Kronikë

Arratisja e Habilajt, qëndronte në arrest shtëpie pa byzylyk elektronik


Bëhu pjesë e Grupit Zyrtar të Opinion.al
>> KËTU <<
               Publikuar në : 13:21 - 12/01/21 |
Doriana Çepunaj

Detaje të reja kanë dalë nga arratisja e Moisi Habilaj, i akuzuar si kreu i një bande kriminale me aktivitet trafikun e drogës.

Që prej ditës së shtunë, Moisi Habilaj nuk përgjigjet në telefon dhe autoritetet e kanë të vështirë të lidhen me të. Mediat italiane shkruajnë se Habilaj ndodhej në arrest shtëpie në një apartament në San Michele di Ganzaria në Catania, pasi Gjykata e Shkallës së parë e kishte dënuar për trafik droge.

43-vjeçari i ishte nënshtruar regjimit të arrestit në shtëpi, pa byzylyk elektronik. Ndërkohë, Policia italiane nuk ka dhënë ende një informacion zyrtar mbi arratisjen e tij, dhe përse ai qëndronte në shtëpi pa këtë element sigurie.

Avokatët mbrojtës të Habilaj përjashtojnë ekzekutimin e një urdhri ekstradimi në Shqipëri, vend në të cilin ai është përballur me një hetim paralel me atë të gjyqësorit italian.

Një hetim nga zyra e prokurorit të Katanias në tetor 2017 zbuloi ekzistencën e një kanali të vendosur për furnizimin me drogë dhe armë midis Shqipërisë dhe Sicilisë.

Në atë periudhë, mediat italiane përmendën edhe ish ministrin e Brendshëm Saimir Tahiri, kushëri me Moisi Habilajn, duke pretenduar se favorizonte këtë grup në kryerjen e trafikut.

Edhe ai përfundoi nën hetim për këtë çështje. Tahiri u shpall i pafajshëm për akuzat e ngritura ndaj tij për përfshirje në trafikun e drogës, por u dënua për abuzim me detyrën. Procedimi, megjithatë, nuk është mbyllur ende dhe dëshmia e Habilaj mund të jetë vendimtare.

Kujtojmë se Moisi Habilaj u dënua nga shkalla e parë me 15 vite e 5 muaj e 10 ditë burg me akuzën e trafikut të drogës nga Shqipëria në Itali. Së bashku me Habilajn u dënuan edhe Meridian Sula, Nezar Seiti, Antonino Riela, Vinccenso Spanpinato, Angjelo Buzaka, Xhanluka Pasavanti dhe Xhuzepe Greko./Opinion.al

Pas