Një gangster që realizoi një arratisje nga burgu si në filmat e Hollivudit. Është fjala për të burgosurin francez Redoine Faid i cili është kapur nga policia pas tre muajsh arrati.
Sipas burimeve zyrtare franceze, Faid u kap gjatë mbrëmjes në zonën veriore të Parisit në Oise, së bashku me mbesën dhe të vëllain, i mbuluar me një burka muslimane.
Prokurori francez Francois Molins tregoi për mediat se disa ditë më parë policët kishin parë një person të veshur me burka që hipi në një makinë të drejtuar nga një vajzë e re. Më vonë të martën në mbrëmje ai person doli nga makina dhe hyri në nje banese qe po mbahej nën survejim.
“Nga mënyra se si ecte ngjasonte me një burrë”, tha Molins. Policia menjëherë dyshoi se personi ishte Rédoine Faïd.
Kjo i shtyu policët të ngjiten në katin e katërt të partamentit dhe të kapin 46-vjeçarin faid së bashku me shoferen, që ishte mbesa e tij. Ndërkohë u arrestuan edhe tri mbesa të tjera të Faid, dy në paris dhe një tjetër pranë Villers-Saint-Paul.
Redoine Faid u arratis nga burgu më 1 korrik, me helikopter. Ai kishte qenë duke vuajtur një dënim 25-vjeçar për grabitje te armatosur dhe vrasje. Në vitet 1990 ai drejtoi një bandë të përfshirë në grabitje të armatosura, qe vepronte si ne filmat e Hollivudit. / Opinion.al
