“Janë të frikësuar ndaj njerëzit mbajnë armë. Nuk janë të siguruar nga shteti. I bëj thirrje që të dorëzojnë armët por edhe shteti duhet të jetë më i fortë dhe të mbrojë qytetarët ne mënyrë që të mos kenë frikë dhe të mbajnë armë”. Kështu u shpreh sot Arqipeshkvi i Shkodrës Imzot Angelo Masafra. Ai ishte i ftuar nga ministri i Brendshëm Tahiri në një fushatë sensibilizuese për dorëzimin vullnetar të armëve. Por edhe pse ishte ftuar për ti dalë në krah, numri II i kishës katolike nuk ia kursyer kritikat ministrit, i cili nuk reagoi pas deklaratës së Masafrës.
Në fjalën e tij Tahiri do të theksonte se “armët janë sigurisht një e keqe e madhe e cila nuk kërcënon të sotmen por mbi të gjitha të ardhmen. E më shumë se një armë e varrosur në oborr apo e fshehur diku në shtëpi, ne duhet të nisim të çarmatosim mendjen dhe arsyen. Më shumë se të çarmatoset komuniteti duhet ta fillojmë duke çarmatosur shpirtin nga dhuna, nga represioni, nga e keqja që shpesh na detyron të jemi përballë njëri-tjetrit dhe disa prej nesh, kuptohet në moment e sipër të përdorin dhe armët. Dhe në fakt duhet të të mbështes për atë që the se realisht më ngjau shumë e arsyeshme. Burrë është ai që fal. Kush justifikohet me traditën që shqiptari nuk e lëshon armën bën gabim”. /Opinion.al
*Foto nga takimi i sotëm në Dajç të Shkodrës
