Pas emërimit nga Papa Françesku të Arqipeshkvit të Tiranës dhe Durrësit Imzot Arjan Dodaj, ka reaguar edhe politika shqiptare.
Presidenti, Ilir Meta në një status në “Facebook” shkruan se i uron përzemërsisht punë të mbarë në detyrën e re.
“E mirëprita me gëzim lajmin e emërimit nga Papa Françesku të Imzot Arjan Dodaj, në detyrën e rëndësishme, Arqipeshkëv i Arqidioqesës Tiranë-Durrës. Me urimin e përzemërt për punë të mbarë, shpreh bindjen e plotë se Imzot Arjan Dodaj, me dedikimin dhe shërbimin e njohur dhe të vlerësuar ndaj besimtarëve katolikë dhe popullit shqiptar, do ta përmbushë me sukses misionin e ngarkuar me detyrën e re”, shkruan Meta.
Ndërsa kryeministri Edi Rama shkruan: “Papa Françesku emëron një Arqipeshkv shqiptar të lindur e rritur në Shqipëri, në krye të Arqidioqezës Metropolitane Tiranë-Durrës. Urime Arjan Dodaj dhe Zoti qoftë me ju në këtë mision kaq fisnik”./Opinion.al
