Arnold Kola, djali i biznesmenit dhe ish-deputetit, Ndue Kola ka qenë i arrestuar edhe një vit më parë për drejtim të mjetit në gjendje të dehur, por gjykata e kishte lënë vetem me “detyrim paraqitje”. Faktet dalin në dritë sot kur ai u bë shkaktar i një aksidenti tejet të rëndë ku humbi jetën një efektiv policie.
Në këtë aksident gjeti vdekjen Ervin Haxhiaj 41 vjeç dhe u plagosën dy kolegët e tij, Besmir Voji, dhe Ismail Hoxha.
Policia bërit të ditur se drejtuesi i mjetit tip “Lexus” me targë TR8788T, Arnold Kola, ka rezultuar nën ndikimin e alkoolit në masën 0.57mg/l dhe 0.53 mg/l.
Aksidenti ndodhi mbrëmë rreth orës 21:15, në Bulevardin “Blu”, Kamëz, në afërsi të Shkollës “Ibrahim Rugova”. Mjeti tip “Lexus” ka ardhur nga qendër Kamëz në drejtim të Institutit dhe ka goditur mjetin e Policisë me targë POLICIA2164 (mjet i Komisartiatit të Policisë Nr.5), i cili ka qënë në patrullim në të njejtin sens lëvizje.
