“Definetly love my summer days!” ka qenë statusi që Armina Mevlani ka ndarë me miqtë e saj në Facebook, pasi ndodhej me pushime disaditore në Kroaci.
Ajo specifikonte dhe drekën e lehtë që po shijonte në shoqërinë e miqve të fëmijërisë, me të cilët udhë toi për disa ditë për të kaluar pushimet së bashku.
IshMiss Albania, e cila tani po i dedikohet biznesit të veshjeve luksoze dhe blogut personal të modës, argëtohet me shoqërinë pak kohë pasi festoi 25vjetorin në një natë plot surpriza në Tiranë. Grupit të tyre iu bashkua pas disa ditësh partneri i Arminës, Shkëlzen Berisha, i cili tashmë është familjarizuar me shoqërinë e fëmijërisë së saj, pasi ata e kanë kthyer në zakon grupimin për festa e pushime.
Gjatë ditëve të qëndrimit në plazhet kroate nuk kanë munguar videot që Armina postonte në snapchat, ku ndjekësit kishin mundësi të shihnin detaje nga mënyra si argëtohet vajza VIP më e komentuar në mediat sociale, me shijen e veçantë në stilin e veshjes dhe stilin e jetës në përgjithësi.
“Zgjodhëm Kroacinë si një destinacion drejt të cilit mund të udhëtonim me makinë vetëm për gjashtë orë, pasi më dukej shumë ide e bukur për t’i dhënë makinës deri atje. Kaluam së bashku me shoqërinë tri ditë pushime, deri sa na u bashkua Shkëlzeni dy ditët e fundit. Jam kthyer në Tiranë për të ndjekur disa punë, dhe do të udhëtoj sërish në Jug, pasi po më presin prindërit, për të pushuar së bashku.
Sërish do të më bashkohet Shkëlzeni në plazhet e Jugut. Më pas do të vëmë punët dhe angazhimet tona në vijë, dhe do të planifikojmë pushime 34 ditore vetëm të dy”, tha Armina për “Panoramën”.
Sa i takon argëtimit gjatë pushimeve në Kroaci, ajo tregon: “Shijuam plazhin me një varkë të vogël, me të cilën lundruan dhe zbuluam gjire të ndryshme të Kroacisë. Më pëlqen shumë ideja e eksplorimit me varkë, pasi të jep mundësinë të shijosh natyrën plotësisht.
Panorama Plus
