Armina Mevlani ka qenë e ftuara e radhës në emisionin e pasdites në TV Klan me moderatoren Rudina Magjistarin. Pas dy javësh punë intensive në Milano dhe Parisë, fashionista Mevlani ka qenë tek “Rudina” për të folur kryesisht për këtë eksperiencë. Mëgjithatë ajo s’mund të mos i përgjigjes edhe pyetjeve lidhur me bashkëjetuesin e saj Shkëlzenin Berishën dhe familjen e tij.
Si për ta ngacmuar, Rudina është ndalur pak në faktin se javën e kaluar Sali Berisha foli për “nusen” e shtëpisë gjatë intervistës në emisionon “Xing me Ermalin”.
“Sigurisht që u ndjeva mirë, m’u bë qejfi”,-është shprehur Armina duke theksuar se ajo nuk ka patur kurrë probleme me familjen e partnerit të saj madje ka marrëdhënie shumë të mira. Kjo deklaratë ndoshta do i jap fund thashethemeve që e duan Arminën të ketë raportë të këqia me Argitën, motrën e Shkëlzenit dhe vajzën e saj, Dasarën.
