Nënkryetari i bashkisë së Mariupolit, Serhiy Orlov akuzon Rusinë se nuk po respekton armëpushimin për të lejuar civilët të largohen nga qyteti.
Në një mesazh të postuar në Telegram, zyrtarë thanë se luftimet po zhvillohen në rajonin e Zaporizhzhia, ku përfundon korridori humanitar.
Ndërkohë pala ukrainase po negocion me palën ruse për të konfirmuar armëpushimin e përkohshëm përgjatë gjithë rrugës së evakuimit.
“Rusët po vazhdojnë të na bombardojnë dhe po përdorin artileri. Është një çmenduri. Nuk ka armëpushim në Mariupol. Civilët tanë janë gati të evakuohen, por nuk mund të largohen dot nga granatimet”,- tha nënkryetari i bashkisë së Mariupolit, Serhiy Orlov.
