Bota

Armenia dhe Azerbajxhani arrijnë në Moskë marrëveshjen për armëpushimin


Bëhu pjesë e Grupit Zyrtar të Opinion.al
>> KËTU <<
               Publikuar në : 08:28 - 10/10/20 |
Opi Nion

Pas gati dy javësh luftime, Armenia dhe Azerbajxhani kanë rënë dakord për një armëpushim dhe po planifikojnë të fillojnë bisedime thelbësore mbi territorin e diskutueshëm, Nagorno-Karabakun.

Lajmi është bërë i ditur nga Ministri i Jashtëm rus, Sergej Lavrov, i cili theksoi se marrëveshja për armëpushim ka ardhur pas rreth 10 orësh bisedime në Moskë.

Diplomati i lartë rus, tha se Kryqi i Kuq do të veprojë si një ndërmjetës në operacionin humanitar. Sipas, Al Jazeera, marrëveshja ishte për një “armëpushim humanitar”.

Ndërkohë, tashmë që marrëveshja është arritur, pritet që luftimet mes Armenisë dhe Azerbajxhanit të ndalojnë vërtetë si dhe të fillojnë shkëmbimin e të burgosurve dhe më pas të ulen në tryezën e bisedimeve për të marrë një vendim të përbashkët për Nagorno-Karabakun, i cili prej dekadash ka qenë burim konfliktesh mes dy vendeve.

Deri më tani raportohet se 300 persona kanë humbur jetën nga luftimet, të cilat shpërthyen në 27 shtator dhe është konflikti më serioz që nga përplasjet në 2016 që la dhjetëra të vdekur./Opinion.al

Pas