Kombëtarja shqiptare mund të humbasë Armando Sadikun në prag të ndeshjeve eliminatore të Kampionatit Europian, kundër Turqisë dhe Andorrës. Sadiku, i cili ka shënuar dy gola në miqësoren me Turqinë në vitin 2017, ka pësuar një dëmtim dhe është detyruar ta lërë në mes seancën stërvitore në kompleksin ku po qëndron kombëtarja.
Sadiku do të vizitohet nga mjekët e ekipit kombëtar. Për momentin, shqetësimi është i madh, pasi sulmuesi që u rikthyer pas një dëmtimi tjetër, shihej si shpresë për një rezultat të mirë nga turqve.
Në rast se Sadiku nuk rikuperohet, trajneri Panucci do të vihej në vështirësi pasi nuk ka në dispozicion as Sokol Cikalleshin, ndërsa Bekim Balaj nuk është në formë të mirë fizike./Opinion.al
