Presidenti i Federatës Shqiptare të Futbollit, Armando Duka ka folur për ndeshjen e Shqipërisë me Islandën dhe çështjen e liçensimit të klubeve shqiptare për të marrë pjesë në kupat e europës.
Duka shfaqet optimist përpara sfidës së Kombëtares Shqiptare me Islandën. Duka mendon se duhet menduar për kualifimin dhe se është e rëndësishme të mos vijmë me zero pikë nga transferta me Islandën.
“Jo thjesht për të luajtur për një vend nderi, por për t’u kualifikuar merr rëndësi të veçantë, duke qenë se jemi vetëm me 3 pikë do të konsideroja të mos vijmë me 0 pikë nga Islanda. Ndeshje shumë e rëndësishme për stafin dhe lojtarët”, tha Duka.
Përsa i përket temës së liçensimeve, Duka thekson se është shumë e rëndësishme që klubet të përmbushin kriteret. Ky është parakusht që klubi të marrë pjesë në kompeticionet europiane.
Sipas kreut të futbollit, verdiktet e sezonit janë të drejta për atë që skuadrat kanë dhënë në fushë.
“Kriteri i parë është ai sportiv. Kriteri i dytë është licenca, pra të plotësosh të gjitha kushtet e UEFA-s për pjesëmarrje në kupat e Evropës. Jo të gjitha ekipet tona i kanë plotësuar kriteret, disa as nuk kanë aplikuar për në Evropë. Skënderbeu është i kualifikuar sportivisht, por ka një dënim nga UEFA dhe do të vendosë CAS-i se kush do të jenë pjesëmarrësit”. /Opinion.al
