Bota

Arma më e fuqishme në botë/Koreja e Veriut lëshon raketën raketën bërthamore


Bëhu pjesë e Grupit Zyrtar të Opinion.al
>> KËTU <<
               Publikuar në : 09:50 - 19/10/21 |
Opi Nion

Koreja e Veriut ka lëshuar një raketë balistike nga nëndetësja në ujërat në brigjet e Japonisë. Pheniani zbuloi raketën në janar, duke e përshkruar atë si “arma më e fuqishme në botë”.

Koreja e Veriut ka kryer një mori testesh raketash javët e fundit, duke përfshirë armët hipersonike dhe ato me rreze të gjatë. Disa nga këto teste shkelin sanksionet e rrepta ndërkombëtare.

Vendit i është ndaluar nga Kombet e Bashkuara për të testuar raketa balistike, si dhe armë bërthamore.

Qeveria e Kim Jong Un, nuk ka reaguar lidhur me këtë provë të re të raketës balistike, por kanë qenë zyrtarët e Koresë së Jugut ata që kanë dhënë detaje lidhur me këtë operacion.

Shefat e Shtabit të Përbashkët të Koresë së Jugut thanë se një raketë ishte lëshuar nga porti Sinpo, në lindje të Koresë së Veriut, ku Pheniani zakonisht mban nëndetëset e tij. Raketa u ul në Detin Lindor, i njohur gjithashtu si Deti i Japonisë.

Mediat e Koresë së Jugut raportuan se kjo raketë e veçantë besohej të kishte udhëtuar rreth 450 km (280 milje) në një lartësi maksimale prej 60 km.

Kryeministri japonez Fumio Kishida reagoi lidhur me këtë ngjarje. Ai tha se është për të ardhur keq që Koreja e Veriut bën prova të tilla./Opinion.al

Pas