Arkitekti italian, Antonio Iraci, është vlerësuar me çmimin special të peisazhit, për projektin e tij “Green Coast Resort and Residences”, dhe aftësitë e këtij projekti në përdorimin e dritës për vlerësimin e peisazhit.
Ky çmim është dhënë në simpoziumin që vlerëson projektet e peisazhit si strategji në ndryshimet e klimës për një mirëqënie urbane dhe sociale.
Në motivacionin e jurisë për këtë çmim thuhet se projekti është vlerësuar për nivelin e dritës, e aftë për të vënë në dukeje format gjometrike të projektit, duke krijuar një atmosfesrë sygjestionuese.
Antonio Iraci është diplomuar me rezultate të larta në Fakultetin e Arkitekturës në Reggio Calabria në 1988.
Ai themeloi studion Archline në janar 1989 me synimin për të hapur një laborator arkitekture që përdor mundësitë e projektimit si një fushë kërkimi dhe eksperimentimi.
Studioja merret me ndërtime private banesash, punë tregtare, industriale dhe publike, objekte akomodimi dhe dizajn industrial, duke menaxhuar plotësisht procesin e krijimit, nga koncepti në kantier.
Gjatë veprimtarisë së tij të gjerë profesionale, ai krijon arkitektura të vogla dhe të mëdha, duke i drejtuar të gjitha zgjedhjet kompozicionale drejt një largimi të fortë figurativ të projektit nga ai ekzistues dhe duke kryer kështu eksperimentimin e një konceptimi të ri estetik përmes shenjave të minimalizmit të pastër.
