Shoqëria Civile dhe Aleanca për Mbrojtjen e Butrintit po protestojnë jashtë ambienteve të Kuvendit të Shqipërisë kundër dhënies me koncesion të Parkut Kombëtar të Butrintit.
Një nga protestuesit është edhe arkeologu i njohur, Apollon Baçe, i cili paralajmëroi qeverinë se çështjen do ta hedhin në Gjykatën Kushtetuese dhe në të gjitha instancat ndërkombëtare përfshirë dhe UNESCO-n.
Sipas Baçes, nuk mund të pritet asgjë nga deputetët pasi kjo çështje është vendosur nga mazhoranca për dhënien me koncesion të Butrintit.
“Ne do ta hedhim në gjykatën Kushtetuese dhe po nuk u bë kjo në instancat e tjera. Në UNESCO ka ngec çështja për një farë kohe meqenëse ndërrohet shefi i UNESCO-s dhe më pas ata do dërgojnë një ekip për të parë ngjarjen këtu. Nuk kemi çfarë të presim më nga kjo qeveri. Mua më duket se nuk ka asnjë pritje nga deputetët, dihet se do votohet”,-tha Baçe.
