Një karrocë ceremoniale është zbuluar nga arkeologët pranë qytetit antik të Pompeit. Mjeti me katër rrota u gjet pranë një stalle ku tre vjet më parë u zbuluan edhe tre kuaj, në një vilë në Civita Giuliana.
Ekspertët mendojnë se karroca është përdorur në festa dhe parada dhe kjo konsiderohet një gjetje e jashtëzkonshme. Parku arkeologjik tha në një deklaratë se karroca është e ndërtuar nga elementë hekuri dhe është dekoruar me gdhendje bronzi e kallaji. Ajo gjithashtu ka litare dhe elementë floreale të ruajtur në një gjendje shumë të mirë.
Arkeologët kanë punuar prej disa javësh për të nxjerrë karrocën e cila u identifikua së pari gjatë një gërmimi në 7 janar.
Pompei, qyteti i varrosur nga vullkani që shpërtheu në Malin Vezuv në vitin 79 pas lindjes së Krishtit, vazhdon të mbetet një thesar arkeologjik./Opinion.al
