Komisioni Qendror i Statusit “Dëshmori i Atdheut” me porosi të kryeministrit është në gatishmëri për t’i dhënë titullin “Deshmor i Atdheut” Arjan Salas, i cili humbi jetën mes flakëve duke shpëtuar jetët e mbi 20 qytetarëve të tjerë.
Ky lajm është publikuar në rrjetet sociale nga Zv. Ministri i Mbrojtjes Petro Koçi, i cili shkruan se “presim përfundimin e shpejtë të ekspertizës ligjore dhe propozimin e Prefektit të Tiranës për të marrë vendim të menjëhershëm”.
Koçi shkruan se pritet përfundimi i shpejtë i ekspertizës ligjore dhe propozimi i Prefektit të Tiranës për të marrë vendim të menjëhershëm.
“Komisioni Qendror i Statusit ‘Dëshmori i Atdheut’ me porosi të Kryeministrit ne gatishmëri për t’i dhënë titullin “Dëshmor i Atdheut” shtetasit heroik Arjan Sala. Presim përfundimin e shpejtë të ekspertizës ligjore dhe propozimin e Prefektit të Tiranës për të marrë vendim të menjëhershëm. Humbja e jetës së Arjan Salës, përveçse na shkakton dhimbje të papërshkrueshme si për një bir e vëlla, nga ana tjetër dëshmon se Shqipëria që ka djem heronj si Arjani që sakrifikojnë jetën e tyre për të mbrojtur jetët e të tjerëve, do të bëhet! Janë gjallë bilbilenjtë!”, deklaron zëvendës ministri Koçi./ Opinion.al
