Dy vetura, janë përplasur mbrëmë në mesnatë, në magjistralen Tetovë-Shkup, me një ari, informon SPB Tetovë. Nga ky aksident janë lënduar lehtë dy persona, transmeton Telegrafi Maqedoni.
Aksidenti ka ndodhur rreth orës 23:30 në afërsi të fshatit Grupçin, kur kafsha është gjetur para veturës mini-bus ‘Iveco’ me targa regjistrimi të Gjermanisë. Menjëherë pas goditjes së parë, ariu është goditur edhe nga vetura ‘Seat-Lion’, e drejtuar nga V.M (35) Shkup.
Ariu ka ngordhur në vend, kurse dy udhëtarët në veturën Seat janë lënduar lehtë. Nga fillimi i vitit në magjistralen Gostivar-Shkup janë regjistruar mbi 70 aksidente të shkaktuara nga gjallesat që janë gjendur në rrugë, më së shpeshti përplasje me qentë. /Telegrafi/
