Arilena Ara është padyshim një nga zërat më premtues të muzikës shqiptare. Deri më tani ajo ka korrur sukses të konsiderueshëm me këngët e saj, ndërsa “Nëntori” ishte hiti i cili e katapultoi në karrierë. Dihet që ajo këngë është një deditikim për babain e saj të ndjerë.
Kësaj here ajo ka kujtuar babain e saj në ditën e ditëlindjes së tij. Në videon e postuar pak minuta më parë nga këngëtarja, ajo shihet duke konkurruar në spektaklin e fëmijëve ‘Gjeniu i vogël’ dhe në një moment Arilena flet e emocionuar për babin e saj, i cili ishte i pranishëm në studio duke e ndjekur. “Edhe njëherë t’më përqafoje babi… Gëzuar ditëlindjen në parajsë!”-shkruan Arilena pranë videos ku shihet babai i saj duke e përqafuar dhe duke gëzuar së bashku me të për suksesin e saj.
