Aktualitet

“Ardian Çapja më ofroi 50 mijë €”, i penduari rrëfen krimin në Elbasan


Bëhu pjesë e Grupit Zyrtar të Opinion.al
>> KËTU <<
               Publikuar në : 18:11 - 30/03/21 |
Opi Nion

Dëshmia e Ervis Bardhit, të penduarit të drejtësisë, ka vënë në pranga Ardjan Çapjan, i njohur nga autoritetet si një person me precedent të theksuar kriminal.

Ervis Bardhi ka deklaruar para autoriteteve të drejtësisë se ka qenë, Ardian Çapja, ai që i ka ofruar 50 mijë euro për vrasjen e Gentian Beqirit.

“Ardian Çapja më ofroi 50 mijë euro për vrasjen e Gentian Beqirit. Realizimi i vrasjes ishte i vështirë, sepse Beqiri ishte në ruajtje nga policia, pasi dyshohej për vrasjen e Sokol Çapjas në 2005. Takimet me Ardianin i kam pasur në hotelin e tij”, ka thënë Bardhi në rrëfimin e tij, raporton news 24.

Ervis Bardhi është njeriu që ka ekzekutuar në vitin 2012 Gentian Beqirin dhe babanë e tij, Nezirin, me urdhër të Çapjave. Siç theksohet në dosjen e prokurorisë, i penduari ka shpjeguar se vrasjen e kreu me Olsi Lekun, ndërsa Etien Cani ishte në rolin e ndihmësit.

Në gjurmët e Ervis Bardhit prokuroria ra 6 vite pas ngjarjes që tronditi vendin. Ai u zbulua përmes një gjurme gishti, në një targë makine, pranë automjetit që përdorën ekzekutorët e babë e bir. Gjurma e gishtit rezultoi e përputhshme me atë të Ervis Bardhit. Në 2018, ai u shoqërua në polici që të jepte shpjegime, por tha se nuk ishte mirë nga gjendja psikologjike, dhe se do të rikthehej për të folur.

Në dosje thuhet se ai nuk u kthye më. Por një vit më vonë, në 2019 ai u paraqit në prokurori dhe vendosi të rrëfente emrat e bashkëpunëtorëve dhe akuzoi direkt Ardian Çapjan e nipin e tij Florencin si organizatorë të vrasjes për motive hakmarrje, përderisa Gentian Beqiri dyshohej si një nga ekzekutorët e Sokol Çapjas, në 2005. Përgjatë dy viteve të fundit, prokuroria urdhëroi arrestimin e të dyshuarve të tjerë për vrasjen e dyfishtë, ndërsa vijoi hetimet për Çapjat.

Sipas urdhërit të gjykatës, prokuroria ripyeti të gjithë familjarët e viktimave, punonjësit e policisë që ndodheshin në shërbim duke ruajtur Gentian Nezirin, pasi ndodhej në arrest shtëpie, ndërsa ballafaqoi të penduarin me të dyshuarit e tjerë. Pas kryerjes së këtyre veprimeve hetimore, prokurori Ridvan Sukaj urdhëroi arrestimin e 53-vjecarit Ardian Çapja.

Ardjan Çapja u arrestua ditën e djeshme në Elbasan nga forcat RENEA. Gjatë operacionit, në banesën e tij, policia gjeti dhe sekuestroi në cilësinë e provës materiale një armë zjarri kallashnikov. Ndërkohë është shpallur në kërkim nipi i tij, Florenc Çapja./Opinion.al

 

Pas