Drejtori i Përgjithshëm i Policisë, Ardi Veliu ka marrë pjesë pasditen e sotme në konferencën e Ministrisë së Brendshme mbi anketimin e qeverisë suedeze për perceptimin e publikut kundrejt Policisë së Shtetit.
Ardi Veliu gjatë fjalës së tij është shprehur se përfundimet e anketimit suedez kanë ardhur prej rezultateve të larta të arritura në Policinë e Shtetit.
Sipas Veliut, 3 vitete e fundit, 2018, 2019, 2020 kanë qenë vite sfidash për Policinë, nisur nga zgjedhjet, turizmi, pandemia e protestat por në fund institucioni, sipas tij ia ka dal.
Drejtori i Përgjithshëm i Policisë shtoi ndër të tjera se 80% e qytetarëve ndihen shumë të sigurt ose të sigurt, ndërsa 65% të tjerë theksojnë se Policia i trajton me respekt, kurse 60% thonë se Policia është e paanshme.
Ndërkaq, Veliu vlerëson se Policia e Shtetit ia ka dal, duke u përballur me sfidat por gjithashtu duke vendosur standard të lartë për sjellje.
”Matja e kënaqësisë së publikut është e nevojshme për matjen e performancës. Për rritjen e transparencës. Majft i kënaqur që ky vlerësim në vazhdim të traditës është kryer dhe hartuar nga aktorë të pavarur dhe të huaj.
Ndihemi të vlerësuar për konkluzionet e studimit, për ndjesitë e publikut, sjelljen e Policisë, transparencën e përgjegjshërinë
Desha të ndalesha në veprimtarinë e Policisë që ka sjellë rezultatet e dëshiruara.
Përveç prioriteteve kombëtare, Policia i ka kushtur vëmendje policimit në komunitet. Duke ngritur struktura afër komunitetit. Zyrat e pritjes së qytetarëve janë rikonstruktuar, ose janë ribërë, janë përmirësuar normat e procedurat e punës, dhe shërbimi ndaj publikut.
Të gjitha këto kanë sjellë përmirësimin e kënaqësisë së publikut, ku 80% e të anketuarve ndjehen shumë të sigurt apo të sigurt. E nevojshme të ndalemi tek treguesit konkret që lidhen me sigurinë e qytetarëve. Vrasjet me dashje, nga 102 në 11 mujorin e parë të 2013, në 52 në 2019, dhe 45 në 2020. Vjedhje me pasojë vdekjen nga 6 raste në 2013, asnjë rast 2019, asnjë rast 2020 në 11-mujorët më parë.
Vitet 2018, 2019, 2020 kanë qenë vite sfidash, pasi është përballur me sfida si mbarëvajtja e zgjedhjeve, pandemisë, turizmit dhe protestave.
Policia ia doli të përballet me sfidat duke vendosur standarde të larta për sjelljen e Policisë. Kjo prek kualifikimit, trajtimit, por edhe marrjen e masave dhe mbajtjes së qëndrimit të punonjësve të Policisë që kanë shfaqur të meta.
65%e qytetarëve thonë se policia i trajont njerëzit me respekt, dhe 60% se është e paanshme, duke rikuperuar me 8% nga viti 2018.
Rezultatet e këtij studimi janë më pozitive se në 2018. Ashtu siç e përmenda dhe më lart se ky studim do i vlejë policisë për masat e mëtejshme në të ardhmen. Vërehet se disa tregues ka rënie të lehtë. Edhe pse treguesit janë përmirësuar dukshëm janë poshtë mesatares së BE. Do të analizohen shkaqet.”- tha Veliu./Opinion.al
