Ardi Veliu do të largohet nga drejtimi i Agjencisë së Mbikëqyrjes Policore.
Burime për Klan News bëjnë me dije se sot pas mbledhjes së mëngjesit Veliu i ka raportuar vartësve të tij se nuk do të jetë më drejtues i tyre.
Ende nuk dihen arsyet që e çuan Veliun në largimin nga drejtimi i AMP-së, post të cilin e mbante prej gati një viti.
Më herët Veliu ka qenë në postin e Drejtorit të Përgjithshëm të Policisë së Shtetit si dhe atë të zv.ministrit të Energjisë dhe Infrastrukturës./Opinion.al
