Gjatë inspektimit të rezidencës Studentore Universitare nr. 2, kryeministri Edi Rama i shoqëruar nga ministrja e Arsimit, Evis Kushi foli edhe për strehimin e emigrantëve afganë në këyo ambiente.
Ai tha se duke qenë se mbërritja e tyre në vend po shtyhet, ndoshta nuk do të jetë e nevojshme që afganët të strehohen nëpër konvikte.
“Megjithëse po shtyhet ardhja e afganëve për shkak të logjistikës atje dhe shtyrjes së fluturimeve mund të ndodhi që mund të mos strehohen në konvikte nëse lirohen strukturat e tjera që kemi bërë gati gjatë sezonit.
Por në të gjitha rastet është me rëndësi të jetë e qartë që s’bëhet fjalë për të hequr studentët dhe të sjellim refugjatët afganë, por bëhet për të shfrytëzuar këtë dritare për sa kohë që s’janë studentët”, tha Rama.
