Ministrja e Jashtme, Olta Xhaçka mesditën e kësaj të mërkure ka inspektuar qendrën e pritjes së Afganëve në Rinas.
Aktualisht, në Rinas janë ngritur disa çadra ushtarake ku ka staf mjekësor, forca ushtarake dhe psikologë për të pritur afganët, për t’u bërë një kontroll për gjendjen e tyre shëndetësore dhe psikologjike.
Sikurse është bërë me dije edhe më herët afganët do të akomodohen në konviktet në Tiranë dhe në hotelet e përcaktuara në Durrës.
Shqipëria ka pranuar të strehojë përkohësisht disa shtetas afganë të cilët do të kenë si destinacion përfundimtar Shtetet e Bashkuara të Amerikës, ndërsa ambasadorja Yuri Kim dje deklaroi se nuk dihet numri i personave që do të vijnë, për shkak të kushteve në të cilat ndodhet Afganistani.
Dy ditë më parë, vendi aziatik ra nën pushtetin e talebanëve, një grupim i armatosur islamik, i cili pretendon të ngrejë një Emiratet Islamike të Afganistanit./Opinion.al
