Basketbolli në vend është në zi ditën e sotme! Ka humbur jetën si pasojë e një sëmundje të rëndë arbitri 24-vjeçar, Daniel Aliaj. I riu ka ndërruar jetë ditën e sotme, pasi nuk mundi të fitonte betejën.
Aliaj vuante nga kanceri në këmbë, sëmundje që fatkeqësisht nuk mundi ta mposhte.
Lajmi u bë me dije nga Federata Shqiptare e Basketbollit, nëpërmjet një postimi në Facebook,
“Një lajm i trishtë që kurrsesi nuk do donim të ndanim , ndërron jetë Daniel Aliaj në moshën 24 vjeçare. Dhimbje për familjen, dhimbje për shoqërinë dhe për komunitetin e basketbollit që e njohu së fundmi si gjyqtar. Djali energjik dhe me shumë dëshira për të avancuar në gjykimin e ndeshjeve, ambicioz duke ndjekur kolegët e tij më me eksperiencë! Sa shumë kishe për dhënë akoma Daniel! Qofsh i parajsës , i përjetshëm kujtimi yt!”, shkruhet në postimin e Federatës./Opinion.al
