Presidenca ka kërkuar nga avokatura e shtetit informacion të detajuar lidhur me çështjet e Shqipërisë në Arbitrazh.
Përmes një letre të dërguar këtij insitucioni si dhe Ministrisë së Financave, Presidenca shprehet se prej 3 muajsh nuk po merr informacionin e kërkuar, duke bërë me dije se do të ndërmarrë hapa ligjorë për shpërdorim detyre, ndaj personave që po pengojnë dhënien e informacionit.
Shkrese Av. Shtetit 29.10.2020
Nisur nga ky fakt, institucioni i presidentit ngre dyshime se po bëhen përpjekje për të mbuluar veprime të dënueshme dhe me kosto financiare për vendin.
“Nëse informacioni i kërkuar, shoqëruar me kopje të dokumentacionit të plotë, nuk depozitohet në Institucionin e Presidentit të Republikës brenda ditës së hënë, datë 02.11.2020, ju bëjmë me dije se,
Institucioni i Presidentit të Republikës do të ndërmarrëtë gjitha hapat ligjorë për referimin e rastit të shpëdorimit të detyrës në organet ligjzbatuese, për secilin prej personave që me veprime apo mosveprime, është bërë pengesë për dhënien e këtij informacioni, dhe që po krijon edhe më shumë bindjen e arsyeshme të bazuar në prova dhe ligj se po bëhen përpjekjepër të mbuluar veprime tëtjera të dënueshme që kanë shkaktuar dëmetë konsiderueshme financiare për shtetin shqiptar”, thuhet në letrën e presidenti.
Kërkesat që Presidenca i dërgon Avokaturës së Shtetit janë:
- Numrin e çështjeve në proces pranëGjykatave tëArbitrazhit, ku Republika e Shqipërisëështë palë dhe të dhënat rreth tyre, përfshirë strukturën që ndjek këto çështje;
- Nëse për çështjet në proces nëGjykatat e Arbitrazhit janë kontraktuar shërbime të përfaqësimit dhe të konsulencës, përfshirë të dhënat mbi mënyrën e përzgjedhjes, kontraktimit, shpenzimet dhe pagesat e kryera për to, apo në pritje për t`u kryer;
- Numrin e çështjeve të fituara nga shtetit Shqiptar në Gjykatat e Arbitrazhit;
- Numrin e çështjeve të humbura në Gjykatat e Arbitrazhit, me të dhëna mbi:
- Efektin financiar (detyrimin) për shtetin shqiptar sipas vendimit;
- Shpenzimet administrative për mbulimin e kostove të procesit, përfshirë shpenzimet për kontraktimin e shërbimeve të përfaqësimit dhe të konsulencës, si dhe mënyrën e përzgjedhjes dhe kontraktimit të tyre.
- Bazuar mbi çështjet e humbura në gjykatat e arbitrazhit ndërkombëtar, a ka referuar Avokatura e Shtetit deri më tani çështjet në organet përkatëse për nxjerrjen e përgjegjësive individuale administrative, civile dhe/ose penale për dëmin e shkaktuar ndaj interesave financiare të shtetit shqiptar, apo jo.
- Informacion të veçantë mbi lindjen dhe ecurinë e çështjes së Arbitrazhit ICSID nr. ARB/15/28 “Hydro dhe të tjerë kundër Shqipërisë”, duke përfshirë edhe kopje të vendimit të Gjykatës së Arbitrazhit, në gjuhën që është dhënë dhe përkthimin e tij zyrtar në gjuhën shqipe.
