Arben Dervishaj, supervizor i punimeve në inceneratorin e Fierit, i është drejtuar Gjykatës së Posaçme për lehtësim të masës së sigurisë.
Mësohet se kërkesa është bërë për shkak të gjendjes shëndetësore të Dervishajt.
Këtë të hënë vetë Dervishaj nuk ishte i pranishëm në seancë, ndërsa mbrojtësit kanë pretenduar se ai po vuan nga probleme shëndetësore.
GJKKO pranoi kërkesën për caktimin e ekspertëve mjekësor që do të përcaktojnë rrezikshmërinë për të qëndruar apo jo në qeli.
3 mjekët ekspertë, u paraqitën këtë të hënë ku u betuan para togave të zeza.
