Ndërkohë që pritet të nisë Asamblea e Partisë Socialiste në hotel “Sheraton”, ish-ministri i Financave, Arben Ahmetaj, është shfaqur për herë të parë në një aktivitet politik që pas aksidentit me makinë.
Edhe pasi ka kaluar një muaj nga incidenti i tij në Maqedoni, Ahmetaj u pa që ecte duke çaluar pak teksa hynte në ambientet e hotelit ku do të mbahet Asamblea e PS.
Ish-ministri i Financave u përplas me automjetin e tij Range Rover në kryqzimin e autostradës në pikën kufitare Tabanoc-Kumanovë në krahun që përfshin rrugën mes Kumanovës dhe Kriva Pallankës.
Nuk dihet ende nëse kryeministri Edi Rama do t’i japë post ministri sërish Arben Ahmetajt, i cili refuzoi të flasë për mediat. /Balkanweb
