Rruga e suksesit është padyshim më e vështira. Shumë dyer do mbyllen dhe shumë do të hapen, ndërsa sekreti është të mos dorëzohesh. E njëjtë është edhe situata e Arbana Osmanit. Sot ajo është një ndër prezantueset më të mira të “Top Channel”, por në fillim edhe ajo është përballur me refuzimin.Në një një inetrvistë për “Pop Culture”, Osmani ka rrëfyer se edhe asaj ia kanë mbyllur dikur derën në fytyrë dhe pikërisht ai që sot është një prej miqve të saj më të mirë.
“Kujtova atë ditë, kur pa më thënë asnjeri asgjë, unë thjesht e kisha dëgjuar te radio, trokita te dera e radios, doli Bojkeni dhe i thashë: ‘A keni nevojë për prezantuese?’ Më tha: ‘Jo, s’kemi.’ Ma mbylli derën.”-rrëfeu Arbana. “Pastaj, 6 muaj më vonë, u bë një audicion, sepse kishin nevojë për prezantuese, dhe unë fitova audicionin. Por herën e parë më është mbyllur dera.”-u shpreh moderatorja e famshme.
