Dr. Arban Domi, i cili drejton një department kërkimi pranë kompanisë së prodhimit të vaksinave Geovax, tha në emisionin “Opinion”, se ndonëse vaksina është fjala e parë që përmendet në media, ajo do të jetë një realitet jo shumë i afërt. Sikurse e konsideroi doktori, në rastin më të mirë një vaksinë mund të jetë gati për 1 vit apo 1 vit e gjysmë.
Arban Domi: Vaksina është fjala e parë që mediat përmendin, por sic e kemi diskutuar vaksina nuk është për tani. Vaksinën njerëzit nuk duhet të mendojnë për një vit apo një vit e gjysmë. Duhet të përqëndrohemi tek medikamentet që kemi apo medikamentet e reja.
Fevziu: Sa kompani ka që po punojnë për vaksinën?
Arban Domi: Ka shumë, por asnjë prej tyre nuk mund të ketë një vaksinë për një vit apo një vit e gjysmë në rastin më të mirë. Vërtet po ecet me hapa të shpejta por është e rëndësishme që duhet të qetësohet publiku dhe kompanitë kanë dhe reklamën e tyre.
Fevziu: Trump kishte publiluar në tuiter për efektivitetin e kombinimit të dy medikamenteve, një anitmalarje dhe një antibiotik, është efektive?
Arban Domi: Në rastin e medikamentit në fjalë është testuar në Kinë dhe njëkohësisht është bërë një studim edhe në jug të Francës dhe ka dhënë rezultate pozitive. Sigurisht nuk do jetë shpëtimi, por derisa ka dhënë efekte mund të përdoret. Në Nju Jork ka filluar një test klinik masiv për këtë medikament dhe për tre medikamente të tjera.
Fevziu: Dhe ka dhënë rezultate?
Arban Domi: Është në ditët e para, është herët për të folur. Sigurisht në fillim provohet me doz të vogla.
Fevziu: Si shpjegohet që ky virus e gjeti kaq të papërgatitur fuqinë më të madhe SHBA?
Arban Domi: Kjo nuk është vetëm për Amerikën, është për të gjthë ato vendet me sistem të zhvilluar apo të pazhvilluar. Në raste pandemie numri i personave të prekur do të jetë i njëjtë. Cfarë mund të bëjnë masat e marra është koha kur do të arrijë piku. Përgjithësisht piku është piramidë, por suksesi është kthimi në formë kodre. Rastet që do të paraqiten do të jenë të njëjta, izolimi lidhet me shpërndarjen e të infektuarve që sistemi shëndetësor ta përballojë.
Doktor Domi bëri edhe një konstatim në lidhje me Shqipërinë, ku e konsideroi si të papërgjegjshme dyndjen e qytetarëve në tregjet e fruta-perimeve dhe shtoi se pret që në Tiranë të ketë një rritje të numrit të të prekurve nga e premtja deri të martën e javës tjetër.
“Të shtunën në mëngjes , pashë se cfarë ndodhi në Tiranë në pazarin e ri. Është e papërgjeghsme dhe e papranueshme. E gjithë java apo 10 ditët e ziolimit paraprak shkojnë në ajër. Po pres një rritje të numrit të infeksionit në Tiranë, nga e premtja deri të martën e javës tjetër.
Në rastin e të shtunës masat ishin marr drastike me shumë të drejtë, por kur njeriu kur merr masa të shohi ccfarë pasoja të dyta mund të dalin. Në këtë rast kur u pa që numri I njerëzve do të drejtohej në pazarin e ri ai të mbyllej. Dhe pazari të shpërndahej nëpër tiranë, ku tufat e nerëzve do të ishin shumë më të vogla”, tha ai. /Opinion.al
