Arabia Saudite përsëriti thirrjen ndaj bashkësisë ndërkombëtare për të vendosur një kufi në atë që e përshkroi si sjellje agresive, dhe akte sabotimi nga ana e Iranit.
Mbreti Salman ka thënë në mbledhjen e kabinetit se sulmi ndaj rafinerive të naftës më 14 shtator paraqet një “përshkallëzim të rrezikshëm”.
Eksportuesi më i madh i naftës në botë, ka thënë se shenjat paraprake tregojnë se Irani duhet të fajësohej për sulmet, teksa hedh poshtë pretendimet e rebelëve Huthi të Jemenit, të cilët morën përgjegjesinë për sulmin. Grupi Huthi gëzon përkrahjen e Iranit, mirëpo Teherani ka mohuar përfshirjen në sulm.
Shtetet e Bashkuara fajësuan Iranin për sulmet ndërsa ministria e Mbrojtjes në Arabinë Saudite ka prezantuar disa mbetje të dronëve dhe raketave, që sipas saj dëshmojnë përfshirjen e Iranit./Opinion.al
