Mbreti i Arabisë Saudite, Salman u bëri thirrje liderëve të Këshillit Bashkëpunues të Gjirit Persik dhe Ligës Arabe, për takim urgjent në samitin e Mekës më 30 maj.
Arabia Saudite tha se mbledhja do të bëhej për të diskutuar sanksionet e fundit ndaj transportit dhe prodhimit të naftës dhe rritjes së tensioneve me rivalin e tyre të hershëm, Iranin.
Fokus kryesor do të marrin sulmet ndaj katër anijeve komerciale në detin e Emirateve të Bashkuara Arabe dhe sulmet e armatosura me dron ndaj prodhimit të naftës afër Riadit.
Nga ana tjetër, Emiratet e Bashkuara Arabe, aleatët e ngushtë të Arabisë Saudite, kanë mirëpritur thirrjen për samitin e Mekës, duke theksuar nevojën e bashkëpunimit ndaj këtyre “rrethanave kritike” në Gjirin Persik dhe vendet e tjera.
Ky samit vjen pas rritjes së tensioneve midis SHBA-së dhe Iranit, dhe pas vendimit të Uashingtonit për të shtuar prezencën ushtarake në Lindjen e Mesme, pas raportimeve të intelegjencës amerikane se Irani është duke planifikuar një sulm./Opinion.al
