Ministri i Jashtëm i Arabisë Saudite, Adel al-Jubeir, tha se të gjitha opsionet, përfshirë dhe ai ushtarak, janë në tavolinë, për t’iu përgjigjur Iranit, pas sulmeve në dy rafineri të naftës.
“Arabia Saudite ka dashur të shmangë luftën dhe përshkallëzimin, por Irani do të mbajë përgjegjësi për sulmet me dronë dhe raketa”, tha al-Jubeir në një intervistë për BBC-në.
Shetet e Bashkuara dhe disa vende evropiane kanë vlerësuar se pas sulmeve të 14 shtatorit qëndron Irani, edhe pse ky i fundit ka mohuar përfshirjen.
Përgjegjësinë për sulmet e kanë marrë rebelët Huthi në Jemen, të cilët luftojnë një koalicion të udhëhequr nga Arabia Saudite në luftën e Jemenit. Por, zyrtarët sauditë këmbëngulin se shkalla dhe kompleksiteti i sulmeve i tejkalojnë aftësitë e rebelëve Huthi.
Edhe presidenti i Shteteve të Bashkuara, Donald Trump, ka thënë se të gjitha opsionet për t’iu përgjigjur përfshirjes së dyshuar të Teheranit në sulme, mbeten në tavolinë.
Irani, në anën tjetër, ka paralajmëruar luftë të shkallës së gjerë nëse sulmohet./Opinion.al
