Mbreti Selman i Arabisë Saudite ka miratuar hyrjen e forcave amerikane në vend me qëllim për të mbrojtur stabilitetin dhe sigurinë e rajonit si dhe për të rritur nivelin e bashkëpunimit për garantimin e paqes.
Lajmi raportohet nga agjensia e lajmeve vendase SPA e cila i referohet burimeve nga Ministria e Mbrojtjes.
Ky vendim është marrë bazuar në bashkëpunimin e ngushtë mes SHBA dhe Arabisë Saudite dhe qëllimit të tyre të përbashkët për të garantuar stabilitet në rajon.
Megjithëse nuk është dhënë ende informacion mbi numrin e trupave që do të hyjnë, referuar burimeve të Departamentit Amerikan të Mbrojtjes që citon CNN, SHBA pritet të dërgojë 500 ushtarë në Bazën Ajrore Princ Sulltan në kryeqytetin saudit, Rijad.
Në qershor, Pentagoni tha se do të dërgonte 1.000 trupa në Lindjen e Mesme, por nuk do të thoshte se ku po shkonin.
Arabia Saudite nuk ka pritur forcat amerikane që nga viti 2003 kur u tërhoqën pas përfundimit të luftës me Irakun.
Tensionet në Gjirin u rritën më tej të premten, kur Irani tha se kishte kapur dy çisterna britanike në ngushticën e Hormuzit./Opinion.al
