Shfaqja e shumëpritur e të apasionuarve pas teknologjisë, ku bëhet prezantimi i produkteve të reja të kompanisë Apple, do të shtyhet.
Lajmin e ka konfirmuar vetë kompania, duke thënë se ngjarja e përvitshme e shtatorit do të shtyhet të paktën deri në tetor për shkak të pengesave të shkaktuara nga pandemia në rrjetin global të furnizimit.
Ky lajm nënkupton se linja e re e produktit iPhone 12 do të humbasë shfaqjen e shtatorit, kur zakonisht gjigandi teknologjik prezanton risitë e fundit.
Vonesa e prezantimit të iPhone 12 u zyrtarizua gjatë mbledhjes për të ardhurat e Apple, gjatë së cilës kompania bëri me dije dhe të dhënat më të fundit pozitive.
Pavarësisht impaktit që pandemia e koronavirusit, shitjet e iPhone-ve u rritën me 2% krahasuar me vitin e kaluar, sukses të cilin Apple iu dedikon modelit iPhone SE 2020.
