Zelanda e Re duket se është një nga vendet që e ka menaxhuar më mirë shpërthimin e pandemisë së koronavirusit. Specistët ja atribuojnë këtë sukses kryeministres Jacinda Ardern dhe kabintetit të saj për vendimeve e duhura të marra në kohën e duhur.
Më 23 mars Ardern deklaroi se vendi do të hynte në një karantinë të nivelit 4 për shkak të koronavirusit. Niveli 4 parashikon mbylljen totale të çdo shkolle, dyqani, restoranti, dhe aktiviteti në ambiente të jashtme.
Në atë kohë vendi kishte raportuar vetëm 102 raste të infektuarish dhe asnjë viktimë. Për një një popullatë që kurrë nuk ka përjetuar epidemi të rrezikshme, ky ishte një lajm vërtet shokues. Por, disa javë më pas, rezultat po shihen qartë.
Pas një rritje të shpejtë të rasteve, shifrat në Zelandën e Re kanë mbetur në kontroll. Vetëm 1330 raste dhe 4 viktima në total. Prej ditësh, nuk raportohet rritje e rasteve të reja ndërsa kurba e të infekuarve është thyer ndjeshëm. Kjo ka ardhur si rezultat i “strategjisë së eleminimit” që kryeministrja dhe kabineti i saj aplikuan me sukses.
Strategjia e eliminimi nënkupton një izolim total dhe testime masive të popullsisë, në mënyrë për të lokalizuar të gjithë infektuarit dhe të afërmit e tyre.
Kjo strategji, që në ditët e para shtoi së tepërmi numrin e të infektuarve në statistika pasi shkalla e diagnostikimeve ishte shumë e lartë dhe sot po jep rezultate shpresëdhënëse. Për të marrë këtë vendim, patjetër që qeveria ka patur besimin e plotë që strukturat shëndetësore do të përballonin rritjen e shpejtë të kurbës të të sëmurëve. Pikërisht këtu ështe kyçi i suksesit të kësaj strategjie.
Ajo parashikon në fakt një ngritje të shpejtë të kurbës së epidemisë, por edhe një rënie të shpejtë në rast suksesi, me objektiv eliminimin total të virusit në territorin e përcaktuar, ndryshe nga strategjia e “frenimit” të virusit, ku kurba nuk arrin pikun më të lartë, por zgjat më shumë në kohë. /Opinion.al
