Kreu i Partisë Demokratike Lulzim Basha këtë mëngjes teksa ka publikuar grafikun me shifrat e shqiptarëve që kanë kërkuar azil në vendet e BE-së shkruan se shkaku i këtij fenomeni është korrupsioni.
Në një postim në “Twitter”, Basha thotë se fundi i kësaj katastrofe kombëtare kërkon thyerjen e bashkëpunimit mes politikës, krimit dhe oligarkisë përmes vettingut në politikë.
“Me përjashtim të një lufte civile, një nga arsyet madhore pse njerëzit largohen nga vendi i tyre është korrupsioni. Rritja e aplikimeve për azil në vendet e BE-së dëshmon edhe njëherë se masakra e 25 prillit nuk zgjidhi asgjë për shqiptarët.
Fundi i kësaj katastrofe kombëtare, kërkon një përballje frontale me korrupsionin, duke thyer bashkëpunimin mes politikës, krimit dhe oligarkisë, që ka shkërmoqur demokracinë dhe po mbyt të ardhmen e duke e bërë të pajetueshme për familjet shqiptare. #vettingnëpolitikë,” shkruan Basha.
