Kryeministri Edi Rama ka reaguar pas lajmit se sot i është dhënë viza e parë amerikane me vlefshmëri 10 vjeçare një qytetareje shqiptare.
Përmes një postimi në Facebook, Rama shkruan se ky është një lajm i bukur në 100-vjetorin e marrëdhënieve midis Shteteve të Bashkuara dhe Shqipërisë, duke nënvizuar se tregon rritjen e vazhdueshme të besimit e respektit ndërkombëtar tek Shqipëria.
“LAJM I BUKUR në 100-vjetorin e marrëdhënieve midis Shteteve të Bashkuara dhe Shqipërisë
Rritet me 10 vjet e vlefshmëria e vizës amerikane të qytetarëve shqiptarë, si shprehje kuptimplotë e rritjes së shumëfishtë të bashkëpunimit pas firmosjes së Deklaratës së Partneritetit Strategjik gjatë mandatit tonë të parë qeverisës, si edhe rritjes së vazhdueshme të besimit e respektit ndërkombëtar tek Shqipëria, falë reformave shtetndërtuese e rezultateve domethënëse në një rrugë ndryshimi që vazhdon.
Aplikantja e parë që mori sot vizën e parë amerikane me vlefshmëri 10 vjet.”, shkruan Rama.
Lajmi për dhënien e vizës së parë amerikane me afat 10 vjeçar për një qytetar shqiptar u sha nga ambasada e SHBA në vendin tonë./Opinion.al
