Qendra Sizmologjike Evropiane Mesdhetare (EMSC) ka sqaruar arsyen përse aplikacioni LastQuake po shfaq probleme, duke punuar ngadalë ose duke mos u hapur fare.
Me anë të një postimi në Twitter, ESMC sqaron se pas tërmetit në Shqipëri dhe Bosnje, ka pasur mbi 200.000 instalime të reja ku vetëm nga Shqipëria ka rreth 120.000 përdorues, gjë që shpjegon pse aplikacioni ka qenë i ngadaltë.
“Pas tërmetit në Shqipëri dhe Bosnje, kemi pasur mbi 200 000 instalime të reja dhe vetëm nga Shqipëria kemi rreth 120 000 përdorues. Ju falenderojmë për besimin. Gjithashtu, kjo shpjegon edhe pse aplikacioni LastQuake ka qenë i ngadaltë dhe kërkojmë ndjesë për këtë fakt”, shkruhet në një njoftim të EMSC në Twitter./Opinion.al
