Gjykata e Apelit në Tiranë ka liruar sot shtetasin turk Selami Simsek. Pas vendimit ai është dërguar në qendrën e pritjes së emigrantëve në Babrru.
Simsek ishte në qelitë e paraburgimit në Tiranë që prej muajit gusht të vitit të shkuar pasi u kap në kufi në tentativë për tu larguar me dokumenta të falsifikuara. Gjykata e Shkallës së Parë e dënoi atë me një vit burg por sot u lirua nga Gjykata e Apelit pasi ka kryer periudhën e dënimit për shkak të zgjatjes së afateve në qelitë e paraburgimit.
Simsek ishte arrestuar bashkë me mësuesin tjetër turk, Harun Çelik, i cili u transferua me urgjencë drejt Turqisë më datë 1 janar të këtij viti pa e shqyrtuar kërkesën e tij për azil.
Turqia u ka hequr të drejtën për t’u pajisur me dokumente shtetërore turke dhe shpesh mbështetësit e Lëvizjes Gylen pajisjen me pasaporte false për t’u larguar nga vendi dhe për pasojë për t’i shpëtuar burgosjes.
Simsek ka depozituar më 10 janar kërkesën për azil me pretendimin se në Turqi i rrezikohet jeta. Ende nuk ka një vendim përfundimtar nga autoritetet shqiptare nëse kërkesa e tij do të pranohet. Avokati mbrojtës sqaron se brenda 30 ditëve qeveria duhet të shprehet në lidhje me kërkesën. /Opinion.al
