Gjykata e Apelit ka lënë në fuqi vendimin e Gjykatës së Shkallës së Parë, ‘detyrim paraqitje’ për ish deputetin e PD, Klevis Balliu. Vendimi i dhënë nga Gjykata e Tiranës ishte apeluar nga Prokuroria, e cila kërkonte masën ‘arrest shtëpie’ për Balliun dhe disa protestues të tjerë të Unazës ë Re, por kjo gjë nuk është pranuar në seancën e sotme të Apelit.
Në një prononcim për mediat Balliu tha se prokuroria është e kapur pasi nuk po hetohen ata që morën pjesë në aferën korruptive të Unazës së Re, por po hetohen ata që denoncuan skandalin. Më tej ai thekson se opozita nuk do të lejojë që të ketë zgjedhje moniste si në kohën e Enver Hoxhës.
“Prokuroria nuk mund të hetojë edhe ata që nxorën projektin korruptiv por edhe vetë projektin. Sot kemi në hetim ata që kanë nxjerrë këtë afër korruptive. Protesta ka çdo ditë, pasi ktu ka një qeveri ku vidhet. Edi Rama është në ditët e fundit. Ai ka rritur dozën e vjedhjeve, ka shpenzuar 300 milionë euro në një kohë që shpenzimet duhet të ishin më pak. Ne Austri kushton 13 milion euro kurse në Shqipëri, Edi Rama merr 15 milion euro në një rrugë ku duhet të ishte 1 milion euro. Ai ka rritur dhunën ndaj protestuesve. Rama ka kapur Prokurorinë, e cila kërkon “arrest shtëpie” për Avdylajt, kurse për banorët që protestojnë kërkohet ‘arrest me burg’. Sot po luhet fati i Shqipërisë. Nuk do lejojmë që të ketë zgjedhje moniste si koha e Enver Hoxhës”. Këtu do të ketë zgjedhje të lira dhe të ndershme”, tha Balliu.
Klevis Balliu dhe grupi i protestuesve të Unazës së Re akuzohen se kanë ushtruar dhunë ndaj policisë në protestën e 7 majit. Në atë kohë protestuesit, bllokuan rrugën që eskorta e Kryeministrit Rama të mos kalonte. /Opinion.al
