Gjykata e Apelit në Durrës ka pushuar çështjen ndaj Florenc Çapjas, i cili akuzohej për vepren penale “Vrasje e mbetur në tentativë” ndaj ish-efektivit të policisë Fadil Mema.
Gjyqtarja Anita Mici vendosi sot të lërë në fuqi vendimin e shkallës së parë, të gjyqtarit Tomor Kullolli, i cili në 20 nëntor 2019 vendosi të pushojë akuzat e ngritura nga prokuroria për Çapjan.
Vendimi i shkallës së parë u apelua nga policia pasi u pretendua se nuk ishin kryer hetimet e mjaftueshme për këtë cështje. Prokuroria e Elbasanit e akuzonte për veprën penale të “Vrasjes me paramendim” mbetur në tentativë dhe “Mbajtje pa leje e armëve luftarake”.
Por Gjyqtarja Anita Mici e cila ka gjykuar disa cështje të nxehta që kur është emëruar në Apelin e Durrësit, vendosi të rrëzojnë këto akuza. Mici ka qenë pjesë e trupit gjykues që vendosi për lirimin e Lul Berishës nga burgu si dhe shpalli të pafajshëm shtetasit Enver Stafuka dhe Gentian Bajtja, të akuzuar për vjedhjen e një mjeti “BMË”, që u përdor në ekzekutimin e kryekomisarit Dritan Lamaj. /Opinion.al
