Kushtet e vështira atmosferike kanë detyruar Autoritetin Rrugor Shqiptar që të lëshojë një apel për drejtuesit e automjeteve, sidomos për ata që udhëtojnë natën nga Tirana në Durres dhe anasjelltas, ku është kërkuar reduktim i shpejtësisë sidomos në segmentin Maminas-Sukth.
Reshjet intensive të shiut dhe dëmtimet që ka pësuar shtresa asfaltike e këtij segmenti shtojne rrezikun ndaj duhet që drejtuesit e mjeteve të tregojnë kujdes dhe të lëvizin me shpejtësi të kufizuar.
Policia Rrugore ka shtuar prezencën në këtë aks për të tërhequr vëmendjen e drejtuesve të mjeteve.
Ndërkaq, ARRSH po merr masat per ndërhyrjen sa më të shpejtë nga kompania e mirëmbajtjes.
