Kryesore

Apeli do i japi pafajësinë? Salianji: S’mund të ketë dënim për denoncim publik



Bëhu pjesë e Grupit Zyrtar të Opinion.al
>> KËTU <<
               Publikuar në : 15:00 - 04/07/22 |
Opi Nion

Seanca gjyqësore për çështjen “Babale”, ndaj deputetit Ervin Salianji u shtyrë për në datën 18 korrik të këtij viti. Deputeti i PD iu përgjigj edhe pyetjeve të gazetarëve në një prononcim që bëri për mediat pas daljes nga seanca gjyqësore.

I pyetur nëse beson tek pafajësia e Apelit, Salianji ka thënë se s’mund të ketë dënim për denoncim publik.

Po ashtu, ai tha se të gjithë prokurorët dhe gjyqtari që janë marrë me këtë çështje janë larguar ose kanë dhënë dorëheqjen.

Po ça do bëj do hidhem përpjetë? Çdo vendim i gjykatës do zbatohet unë po them me fakte e prova që s’ka gjykatë që nuk e merr parasysh.

Fakti tjetër që prokurorët të gjithë por dhe gjyqtari që është marrë me çështjen janë larguar që të gjithë ose kanë dhënë dorëheqjen janë të gjithë më atë moment të caktuar për shkak se njihej si babai i reformës në drejtësi personi i përfshirë dhe njeri me pushtet politik ka pasur ndikimin e vet për të dhënë një vendimmarrje të caktuar.

Sot ata s’janë në sistemin gjyqësor çka i bën dhe të paragjykuar. Kjo çështje do shkojë në gjithë instancat gjyqësore.

Jam i bindur që do ketë vendimmarrje për pafajësi se s’mund të ketë dënim për denoncim publik.

Unë detyrën time si politikan e kam bërë dhe madje kam arritur që nëpërmjet denoncimit të largoj një person të dënuar me vendim të formës së prerë për të kryer dënimin”, deklaroi për mediat Ervin Salianji./Opinion.al

Pas