Prokuroria e Tiranës ka sekuestruar një numer të madh pasurish me vlerë miliona euro shtetasit Dritan Beti dhe personave të lidhur me të.
Bëhet me dije se sekuestrimi është bërë pasi është vërtetuar se shtetasi Dritan Beti është dënuar për veprën penale të trafikimit të lendeve narkotike në Itali.
Është arritur të zbulohet e me pas të sekuestrohen pasuri të paluajteshme dhe të luajteshme si një truall me sipërfaqe 83.78 metër katror që ndodhet në rrugën ‘Mihal Grameno’ në Tiranë, në bashkëpronësi me familjarët, tre apartamente, një me sipërfaqe 125.67 metër katror në rrugën ‘Mihal Grameno’, një me sipërfaqe 93.70 metër katror që ndodhet po në Tiranë dhe një tjetër me sipërfaqe 66.60 metër katror në rrugën ‘Vllazërit Huta’ në Tiranë, një palestër në rrugën ‘Jahja Ballhysa’ dhe një bar-kafe në rrugën ‘Qemal Stafa’ në Tiranë.
Prokuroria e Rrethit Gjyqesor Tirane vijon hetimet e mëtejshme në lidhje me rastin por dhe për raste të tjera me qëllim kryerjen e veprimeve të duhura në hetimin e veprave penale që lidhen me pastrimin e parave dhe zbatimin e ligjit Antimafia.
