Pas bojkotit të opozitës, është anuluar sot mbledhja e Këshill Politik për Refromën zgjedhore. Bashkëkryetari për Komisionin e Reformës Zgjedhore, Damian Gjiknuri e ka quajtur mospjesëmarrjen e opozitës sot në Këshill Politik si një ngjarje fatkeqe për progresin.
Sipas Gjiknurit, nuk ka asnjë arsye serioze që opozita të mos marrë pjesë në tryezën e Reformës Zgjedhore. Ndërkohë ai u ka bërë thirrje përfaqësuesve të opozitës të rikthehen në tryezëq për të vijuar procesin e Reformës Zgjedhore.
Bashkëkryetari për Komisionin e Reformës Zgjedhore, shoti se pikërisht sot do të miratohej një paketë në tryezë dhe që do hiqej një punë e madhe nga puna për Reformën Zgjedhore.
”Progresi i reformës zgjedhore është shumë i rëndësishëm për kapitalizimin politik. Për këtë arsye, reforma duhet të përmbyllet brenda majit. Unë I bëj thirrje opozitës dhe shpresoj që ata të rimarrin vendet e tyre për të vazhduar negociatat. Sot kishim një paketë, që mund të hiqte nga tavolina shumë çështje. Për këtë I bëj thirrje opozitës të ulet në tryezë. Ngjarje fatkeqe për progresin. Pavarësisht zhvillimeve dhe kauzave Reforma Zgjedhore është nevojë për kapitalizimin e të gjitha kauzave. Nuk shoh arsye se pse duhet të ndërpritet. Dua ta mbyll duke i bërë thirrje opozitës të rimarrin vendet e tyre, sot kishim një paketë të tërë që priste miratimin në tavolinën tonë. Opozita të ulet menjëherë në tavolinë dhe të vijojmë negociatat.”- tha Gjiknuri.
Po ashtu, dhe Bashkëkryetarja për Komisionin e Reformës Zgjedhore, Rudina Hajdari i kërkoi opozitës që të rikthehet në tryezën e reformës zgjedhore. Në një thirrje direkte për Lulzim Basha, ajo i kujtoi se u ka premtuar artistëve të Aleancës për Teatrin se do të ndryshojë sistemin, prandaj i kërkoi që të rikthehet në tryezë për të bërë të mundur këtë gjë. Sa i përket protestës së sotme, ajo tha se mbështet, por theksoi se ndryshimi mund të bëhet vetëm duke qenë brenda institucioneve.
“Nëse PD-ja e ka seriozisht që të mbështesë Aleancën për Teatrin, duhet të vijë në tryezë se ka bërë një marrëveshje në 25 korrik 2019, që angazhohet për reformimin e sistemit. Teatri u shemb, PD-ja ta cojë të paktën një premtim deri në fund, të vijë këtu. Mos rrijë kot nëpër sheshe. Teatri u shemb, cdo bëjmë tani, mbështesni aleancën për Teatrin, zotohuni për atë që i keni thënë aleancës për të reformuar sistemin. Është në këtë kontratë që PD-ja me kryetar Bashën ka firmosur këtë kontratë me aleancën. Protestën e sotme patjetër e mbështes, por unë jam aktore politike. Unë kam ardhur për ndryshimin e sistemit këtu dhe të mos bëhen peng këta kryetare partie dhe në fund të ditës rrinë me njëri tjetrin. Basha ka bërë një zotim dhe thotë do të mbroj teatrin dhe zotohem se do të bëhet reformimi i sistemit, po tani ku është Basha. Ta cojë këtë premtim deri në fund. Sot i kërkova Gjiknurit që të mos e vijojmë takimin. Nuk patëm asgjë zyrtare se nuk do të vinin. Unë dua që të vijnë dhe ta cojmë deri në fund këtë betejë. I kërkova Gjiknurit ta shtyjmë dhe të mos diskutojmë asgjë pa praninë e tyre. Duke qëndruar brenda sistemit mund ta ndryshosh, po dole cfarë do të bësh? PD-ja është zotuar për ndryshimin e sistemit, prandaj i kërkoj që të vijë në këtë tryezë” tha Hajdari./ Opinion.al
