Britania pritet të goditet nga stuhia “Ciara”, që do të sjellë erëra me forcë deri në 145 km/h.
Shërbimi meteorologjik paralajmëron se kjo stuhi pritet të jetë më e forta dhe më intensivja që nga viti 2013. Autoritetet paralajmërojnë probleme me transportin në shumë zona, ndërsa deri më tani raportohen se 200 fluturime janë anuluar ose shtyrë.
Shumë linja hekurudhore dhe akse rrugore pritet të shfaqin probleme për pasagjerët, për shkak të reshjeve të shumta që do të sjellë me vete kjo stuhi.
Ndërkaq, kryebashkiaku i Londrës vendosi të mbyllë parqet më të mëdha të kryeqytetit për motive sigurie, të cilat pritet që të rihapen vetëm të hënën.
Rezidentët janë paralajmëruar për përmbytje të mundshme në banesat dhe bizneset e tyre, si dhe me problemet në shërbimin e transportit publik./Opinion.al
