Një grevë kombëtare e disa operatorëve të transportit ajror në Itali ditën e sotme ka shkaktuar anulimin e disa fluturimeve.
Autoriteti i Aviacionit Civil, njofton pasagjerët që fluturojnë drejt Italisë dhe anasjelltas, të konfirmojnë statusin e fluturimit të tyre.
Si pasojë e grevës, fluturimet nga Tirana dhe për në Tiranë, që anulohen janë:
“Alitalia” AZ583 TIA-FCO dhe AZ584 FCO-TIA dhe “Air Albania” ZB2001 TIA-FCO dhe ZB2002 FCO-TIA, ZB2003 TIA-MXP dhe ZB2004 MDP-TIA.
Nga ana e tyre, aeroportet e Romës, Fumicino dhe Ciampino kanë njoftuar se si rrjedhojë e një greve 4 orëshe të njoftuar për në datën 25 nëntor, nga ora 13.00 deri në orën 17.00, fluturimet mund të shënojnë vonesa ose anulime.
Mediat italiane bëjnë të ditur se Alitalia ka njoftuar se do të anulojë 137 fluturime për grevën e transportit ajror që është njoftuar nga disa sindikata, si rrjedhojë e grevës së kontrollorëve të ajrit. Kompania parashikon që 60% e pasagjerëve të arrijnë të fluturojnë po brenda datës 25 nëntor. /Opinion.al
