Për vite me radhë, festimi më i madh vjetor i grupit të LGBTQ në Korenë e Jugut është mbajtur në të njëjtin vend në qendër të Seulit, i cili mbushet me interpretues dhe pjesëmarrës të gëzuar.
Por këtë vit, Festivali i Kulturës Queer në Seul (SQCF) vendin e koncertit ja ka dorëzuar një grupi të rinjve të krishterë për një aktivitet. Si pasojë kjo gjë ka sjell nervozizëm dhe shqetësimin nga anga e organizatorëve të festivalit të LGBTQ që e quajnë atë një akt diskriminimi.
“Ne jemi të zemëruar me Qeverinë Metropolitane të Seulit që po përpiqet të dëbojë pakicat seksuale dhe të mbushë sheshin me diskriminim dhe urrejtje,” tha një deklaratë një nga grupet më të mëdha të aktivistëve LGBTQ në vend.
Organizatorët si për festivalin ashtu edhe për koncertin e krishterë aplikuan për të përdorur vendin e Seoul Plaza nga 30 qershori deri më 1 korrik. Meqenëse të dy grupet refuzuan të ndryshonin datat e tyre, qeveria ia la vendimin një komiteti qytetar, i cili zgjodhi të mërkurën t’i jepte vendin e koncertit, mbajtur nga Fondacioni Kulturor CTS.
Fondacioni është i lidhur me transmetuesin e krishterë CTS, i cili ka kundërshtuar me zë të lartë homoseksualitetin dhe festivalin e krenarisë, sipas Reuters.
Në marrjen e vendimit të tij, komiteti qytetar i dha përparësi ngjarjeve që lidhen me fëmijët ose adoleshentët, ose ato që kanë vlerë tjetër në “interesin publik”, thuhet në deklaratën e qeverisë së qytetit.
Por organizatorët dhe mbështetësit e LGBTQ kanë akuzuar komitetin për diskriminim, duke vënë në dukje ngjarje të ngjashme prej vitesh.
Një çift i të njëjtit seks të Koresë së Jugut morën pjesë në një konferencë shtypi ndërsa parashtrojnë një padi kundër Shërbimit Kombëtar të Sigurimeve Shëndetësore për statusin e tyre familjar në varësi, në Gjykatën Administrative të Seulit në Seul më 18 shkurt 2021.
Njëri nga partnerët pretendoi se koncerti i krishterë do të përdorej si një hapësirë për të përhapur “urrejtje” kundër grupeve LGBTQ dhe se “qëllimi i koncertit është të ndërpresë Festivalin e Kulturës Queer dhe të parandalojë zbulimin e minoriteteve seksuale”.
Homofobia është e përhapur në Korenë e Jugut, ku nuk ka ligje gjithëpërfshirëse kundër diskriminimit për të mbrojtur personat LGBTQ. Krahasuar me demokracitë e afërta si Japonia dhe Tajvani, vendi po pranon më pak çifte të të njëjtit seks.
Tensioni midis komunitetit LGBTQ të Koresë së Jugut dhe kritikëve të tyre konservatorë, shpesh të krishterë, shfaqet qartë në çdo festival, ku shfaqen të dy grupet.
Në festivalin e vitit të kaluar, kundërshtarët dhe grupet fetare u mblodhën jashtë vendit të ngjarjes, duke shfaqur mesazhe proteste në pankarta dhe duke brohoritur parulla kundër LGBTQ përmes altoparlantëve.
Një sondazh i vitit 2017 nga Shoqëria Koreane e Ligjit dhe Politikës mbi Orientimin Seksual dhe Identitetin Gjinor (SOGI) zbuloi se 92.6% e koreanëve LGBTQ të anketuar kishin frikë të bëheshin objektiva të krimeve të urrejtjes dhe 49.3% kishin përjetuar “trauma psikologjike”, si stresi dhe depresioni./Opinion.al
