Partia Dekomratike ka reaguar për anulimin e koncensionit të rrugës Thumanë-Kashar. Sipas deputetes, Albana Vokshi në buxhetin e shtetit për vitin 2019, nuk ishte parashikuar fondi për këtë PPP. Po kështu ajo dha disa alternativa se cilat koncesione mund të ishin anuluar nga qeveria për të siguruar fondet për studentët.
“Edi Rama u tall edhe sot në mënyrë të paturpshme me studentët, duke thelluar më tej përçmimin dhe hakmarrjen ndaj kujtdo që ngre zërin kundër qeverisë së tij hajdute. Studentët nuk përfitojnë asnjë qindarkë nga pazari dhe hilet e Edi Ramës me koncesionin Thumanë – Kashar. Kryeministri i ka gënjyer studentët, sepse për Thumanë – Kashar këtë vit në buxhetin e shtetit nuk është parashikuar asnjë qindarkë. Është për të ardhur keq, sesi Ministrja e Infrastrukturës edhe pse vetë është nënë, pranon me gjakftohtësi të mashtrojë studentët, duke u bërë vegël e bindur e Edi Ramës kundër tyre”, shprehet Vokshi.
Në fund Vokshi premtoi se “PD me të marrë drejtimin e qeverisjes së vendit do të anullojë çdo koncesion korruptiv që çon paratë e shqiptarëve në xhepa oligarkësh. Ne do të dyfishojmë buxhetin për arsimin, duke synuar tejkalimin e buxhetit prej 5 përqind të prodhimit të brendshëm bruto.Ne do të shfuqizojmë ligjin për arsimin e lartë!”.
/Ri-De
*Tabelat e paraqitura nga PD, me PPP që mund të ishin anuluar nga Qeveria
