Kreu i Partisë Demokratike, Lulzim Basha ka reaguar për miratimin e aktit normative të qeverisë të ‘pagëzuar’ nga kryeministri Rama me emrin “anti-KÇK”.
Basha shkruan në Twitter se Rama dhe qeveria e tij nuk mund të luftojnë krimin dhe korrupsionin pasi sipas tij ata janë vetë shkaktarët e tij.
“Pas 7 vitesh dështim, një gjë është e qartë. Edi Rama dhe qeveria e tij nuk mund të luftojnë krimin dhe korrupsionin sepse ata janë vetë krimi dhe korrupsioni. KÇK nuk mund të luftojë KÇK!”, shkruan kreu i demokratëve.
Reagimi i Bashës ka ardhur pasi për paketën “anti-KÇK” u shpreh zyra e BE dhe ambasada e SHBA në Tiranë.
Lexo edhe: BE reagon për paketën “anti-KÇK”
Lexo edhe: Anti-KÇK/SHBA: E mirëpresim, të mbështesë institucionet e reja të Reformës
Në reagimet e tyre ato i përshëndetën masat e reja që parashikohen por theksojnë se lufta kundër krimit të organizuar dhe korrupsionit duhet të vijojë të ndiqet nga institucionet e krijuara nga Reforma në Drejtësi dhe strukturat që krijon akti normativ i qeverisë duhet të mbështesin ato. /Opinion.al
